குருதி சொரிந்து கடலின் உடலும் சிவந்து போனதே
குயில்கள் பாடும் இராகம் யாவும் சோகமானதே
எரியும் தீயில் கரிய புலிகள் உருகிப் போனதேன்
எமது தலைவன் விழியில் அருவி சொரியலானதேன்
தங்கை நளாயினி போனாள் -எங்கள்
தம்பிகள் வாமனும் இலக்மனும் போனார்
மங்கையும் கூடவே போனாள் – இந்து
மாகடல் மீதினில் தீயெனவானாள்.
குருதி சொரிந்து கடலின் உடலும் சிவந்து போனதே
Music
கடலின்அரசன் சிதறும்வகையில் வெடிகள் சுமந்து போனீர்
கரையில்இருந்த உறவுகலைய சிறகு விரித்துப் போனீர்
படங்களாகி சுவர்கள் யாவும் உயர்ந்து சிரிக்கும் வீரரே
பகைவர் ஏறும் பெரிய கலத்தை எரித்து முடித்த தீரரே
குருதி சொரிந்து கடலின் உடலும் சிவந்து போனதே
Music
அலைகள் அசையும் வகையில் பகையை முடித்த வீரப்பெண்களே
மகளிர்படையின் வலிமை உலகில் தெரிய விழித்த கண்களே
அலைகள் மீதில் உலவும் பகையை அடித்த கரிய வேங்கைகள்
அவர்கள் தலைவன் ஒருவன் தலையைப் பிடித்து வந்த தங்கைகள்
குருதி சொரிந்து கடலின் உடலும் சிவந்து போனதே
Music
உலகமெங்கும் திரியும் காற்றில் உமது மூச்சும் கலந்திடும்
உரிமைகேட்டு நிமிரும் பொழுதில் உமது தீரம் விளங்கிடும்
தலைவன்காட்டும் வழியில் புலிகள் பகையை வென்று திரும்பிடும்
தமிழர் தேசம் உமது பெயரை தினமும் பாடி வணங்கிடும்
குருதி சொரிந்து கடலின் உடலும் சிவந்து போனதே
குயில்கள் பாடும் இராகம் யாவும் சோகமானதே
எரியும் தீயில் கரிய புலிகள் உருகிப் போனதேன்
எமது தலைவன் விழியில் அருவி சொரியலானதேன்
தங்கை நளாயினி போனாள் -எங்கள்
தம்பிகள் வாமனும் இலக்மனும் போனார்
மங்கையும் கூடவே போனாள் – இந்து
மாகடல் மீதினில் தீயெனவானாள்.
குருதி சொரிந்து கடலின் உடலும் சிவந்து போனதே
குயில்கள் பாடும் இராகம் யாவும் சோகமானதே